Ինչի՞ համար է Աղվան Հովսեփյանը Խաչատուր Սուքիասյանից գումար վերցրել… ՄԱՆՐԱՄԱՍՆԵՐ

Hraparak.am-ը գրել է. Ազգային ժողովում «Հայաստան» խմբակցության պատգամավոր Աղվան Վարդանյանը նախօրեին իր ելույթի ժամնակ խոսել էր Վազգեն Սարգսյանի մասին, առանց անունը նշելու պատասխանել էր

ՔՊ պատգամավոր Խաչատուր Սուքիասյանին եւ մի պատմություն էր ներկայացրել` Վազգեն Սարգսյանի և մի օլիգարխի վերաբերյալ, առանց անունը նշելու: Նա ասել էր. «1999 թիվ, Վազգեն Սարգսյանը վարչապետ է, նայում է տնտեսությունը, պարզում է՝ տասնյակ բիզնեսմեններ ժամկետնանց պարտքեր ունեն

պետությանը, ցուցակը բաժանում է ժամանակի նախարարների միջև՝ «հանդիպեք, ասեք, որ պարտքը վերադարձնեն»։ Մի շաբաթից կանչում է՝ «զեկուցեք ի՞նչ եք արել», նախարարներից մեկը զեկուցում է. — Իմ ցանկում հինգ հոգի էին, 4-ի հետ պայմանավորվել եմ, կվճարեն, հինգերորդի հետ հանդիպեցի, սուրճ խմեցինք, ասացի՝ պետության փողը պիտի վերադարձնես, ասաց՝ ձեզ տալու չունեմ, պետության մերն էլ։

— Այդպես էլ ասա՞ց, — հարցնում է Վազգեն Սարգսյանը։ — Այո, այդպես էլ ասաց։ — Դրան կբերես ինձ մոտ, — ասում է վարչապետը։ Գալիս են, ներս մտնում։ — Բարև ձեզ, պարոն վարչապետ, — ասում է նախարարը։ — Բարև ձեզ, զեկուցեք, պարոն նախարար։Մյուսն էլ է արդեն բարևում, վրան չի նայում, սենյակում էդպիսի մարդ չկա, գոյություն չունի։

— Այս մարդուն հանդիպեցի, պարոն վարչապետ, ասաց՝ ձեզ տալու չունեմ, պետության…։ Մյուսը փորձում է՝ «թույլ կտա՞ք, պարոն վարչապետ. չկա, վրան չի նայում, գոյություն չունի։ — Դուք ուժային նախարար եք, չէ՞։ — Այո, պարոն վարչապետ։ — Գնդակահ արել, ազատ եք։ Բիզնեսմենը չոքում է, կաղկանձում, հատակը, կարծեմ, թաց է։ — Կատարել, պարոն նախարար։Նախարարը շրջվում է, որ դուրս գա։

— Էս աղբն էլ հետդ տար, — ասում է Վազգեն Սարգսյանը»։ Դրան ի պատասխան Ազգային Ժողովի խոսնակ Ալեն Սիմոնյանը հանդես էր եկել ելույթով` ասելով․ «Ես զարմանում եմ, որ նոր փորձ կատարվեց օրակարգ մտցնել Վազգեն Սարգսյանի հետ կապված ինչ-որ հայտարարություն արվեց։ Վազգեն Սարգսյանը դա Վազգեն Սարգսյանն ա, դա արժեք ա, մեր ազգային հերոսն է, և որևիցե մեկը էս դահլիճում չի փորձել ու չի փորձի նման արժեքներին և նման մարդկանց մասին որևիցե վատ բան ասի։ Ինչ վերաբերում է պատմության մեջ մնալուն ․․․, հա, մի հատ էլ պատմություն պատմվեց, էդ պատմությունը քսաներկու տարի շարունակ, ունի իր

երկրորդ մասը, երբ քաղաքական տարբեր գործիչներ տարբեր գործարարների ձեռքից սնվում էին, գնում էին տարբեր խնդրանքներով էին դիմում այդ քաղաքական գործիչները այդ վատ գործարարներին։ Էդ պատմությունները նույնպես կարող են այստեղ տեղ գտնել և նույնպես պատմվել»,- ասել էր Սիմոնյանը։ Մենք Աղվան Վադանյանին հարցրինք, թե ի՞նչ նկատի ուներ Ալեն Սիմոնյանը, երբ ասում էր, թե «քաղաքական տարբեր գործիչներ տարբեր գործարարների ձեռքից սնվում էին», արդյոք Ալեն Սիմոնյանը իրե՞ն նկատի ուներ․

«Տեսեք՝ պարոն Ալեն Սիմոնյանը մի վատ սովորություն ունի․ երբ պատգամավորները ելույթ են ունենում, ինքը դրանից անմիջապես հետո մեկնաբանում է այդ ելույթները։ Այս անգամ անմիջապես չմեկնաբանեց, ավելի ուշ առանձին ելույթով հանդես եկավ նա։ Ինչ վերաբերում է Ձեր կողմից մեջբերված հատվածին, ապա մեկ ուրիշ պատմություն Ձեզ պատմեմ։ Դաշնակցության բյուրոն երեքից չորս տարին՝ մեկ կազմակերպում է դրամահավաք՝ Հայ Դատի՝ աշխարհում սփռված

գրասենյակներին աջակցության նպատակով։ Հայտնի է, թե Հայ Դա տի գրասենյակները ամբողջ աշխարհում ինչով են զբաղվում՝ ՀՀ շահերի պաշտպանությամբ, Արցախի Հանրապետության միջազգային ճանաչման հարցերով, շահերի պաշտպանությամբ, և երրորդը՝ Հայոց ցեղասպանության միջազգային ճանաչման հարցերով։ Այո, նման մի նվիրահավաքից առաջ ես՝ Աղվան Վադանյանս, բազմաթիվ այլ գործարարներից զատ, դիմել եմ նաև պարոն Սուքիասյանին։ Այդ դրամահավաքներին գործարարներ կան, որ 250 հազար, 300 000, 100 000, 50 000 դոլար են տրամադրել: Պարոն Սուքիասյանը, ի տարբերություն այս գործարարների, շատ ավելի փոքր գումար է հատկացրել Հայ Դ ատի գրասենյակների աշխատանքների համար։ Ես

չգիտեմ, թե որքանո՞վ է ճիշտ այսօր այդ մասին ասելը՝ նկատի ունենալով, որ հայ- թուրքական մերձեցման շրջան է սկսել այս իշխանությունը, բայց, այո, իմ միջոցով պարոն Սուքիասյանը մի փոքր գումար Հայ Դ ատի գրասենյակների աշխատանքների, այդ թվում՝ հայոց ցեղասպանության ճանաչման համար, տրամադրել է»,- պատասխանեց Վարդանյանը

(Visited 31 times, 1 visits today)